Cəfər Cabbarlı küçəsi 609, Globus Center 13-cü mərtəbə, AZ1065 office.azermds@gmail.com

AzerMDS-ə xoş gəldiniz!

Biz yeni bilik və bacarıqlar qazanmaq və öyrəndiklərimizi başqalarına da çatdırmaq üçün buradayıq.

Biz ölkəmizdə həyatını yalnız tibbin öyrənilməsinə deyil, həm də cinsi təhsilə, həmkarlarının təhsilinə, digər ölkələrin səhiyyəsini öyrənməyə, beynəlxalq araşdırmalara, ictimai sağlamlığa, insan hüquqları uğrunda mübarizəyə həsr etmiş həkimlər yetişdiririk.

Bizə Qoşul Daha Çox

1992-ci ildə əsası qoyulub

8000+ tələbəni təmsil edir

IFMSA üzvüdür


Komitələr

Tibb Təhsili üzrə Daimi Komitə


Tibb Təhsilinin keyfiyyətinin kurrikulumdan kənar tədbirlərlə yaxşılaşdırılmasını (dəstəklənməsini) hədəfləyir.

SCOME

Peşəkar Mübadilə üzrə Daimi Komitə


Tibb tələbələri tərəfindən tibb tələbələri üçün təşkil olunan praktiki bacarıqların təkmilləşməsini və yeni səhiyyə sistemləri ilə tanışlığı hədəfləyən mübadilə proqramlarını əhatə edir.

SCOPE

İctimai Sağlamlıq üzrə Daimi Komitə


Tibb Tələbələrinin İctimai Sağlamlıq problemlərinin həllində, maarifləndirmə işlərində aktiv iştirakını hədəfləyir.

SCOPH

Cinsi və Reproduktiv Sağlamlıq və Hüquqlar üzrə Daimi Komitə


Bu komitə tibb tələbələrinin cinsi və reproduktiv sağlamlıq, hüquqlar, İİV və QİÇS haqqında maarifləndirmə işlərində aktiv iştirakını hədəfləyir.

SCORA

Elmi Mübailə üzrə Daimi Komitə


Bu komitə elmi araşdırma mübadiləsinə fokuslanmışdır və yuxarıdakı ilə eyni prinsiplə təşkil olunur.

SCORE

İnsan Hüquqları və Sülh üzrə Daimi Komitə


Tələbələrin insan hüquqları və sülhün bərqərar edilməsi ilə bağlı biliklərini artırmaq və həm iş şəraitində, həm də gündəlik həyatda insan hüquqları və etika qaydalarına uyğun hərəkət etmək üçün üsul və bacarıqları öyrətməyi hədəfləyir.

SCORP

Mübadilə Programı

(Video üçün şəklə klikləyin)

Öyrənək

exchange program

Kəşf edək

exchange program

Tanış olaq

exchange program

Əylənək

exchange program

Gülümsəyək

exchange program

Mübadilə aparaq


TEZ-TEZ VERİLƏN SUALLAR

Üzv olmaq üçün AzerMDS üzvlük anketini doldurmaq lazımdır. Bu anket hər ay üzvlük həftəsi ərzində aktiv olur. Sosial media hesablarımızı izləyərək üzvlük həftələrimizin nə zaman açıldığı barədə xəbər tuta bilərsiniz. Anketə sosial media hesabında yerləşdirdiyimiz linkdən və ya saytımızdakı Bizə qoşul düyməsinə klikləyərək keçid edə bilərsiniz. Anketi doldurarkən qarşınıza çıxan bütün bəndləri ətraflı doldurmağı, prezentasiyalarla diqqətlə tanış olmağı tövsiyə edirik. Bu, sizə özünüzəuyğun üzvlük növünü (aktiv və ya passiv) və aktiv üzv olduğunuz təqdirdə uyğun komitəni seçməyə kömək edəcək. Anketin sonunda təqdim olunan Daxili Davranış Kodeksinə nəzər salın və düyməyə klikləyərək oradakı şərtləri qəbul etdiyinizi bildirin. Anketi həm ingiliscə, həm də azərbaycanca doldura bilərsiniz.
Bizə qoşulmaqla siz tibbi bilik və bacarıqlarınızı artırmaqla yanaşı qlobal səhiyyə ilə daha yaxından tanış ola, araşdırma, ünsiyyət və liderlik bacarıqlarınızı inkişaf etdirə bilərsiniz. Həmçinin özünüz üçün yeni mühit yarada, dünyanı kəşf edə, milli və beynəlxalq tibbi imkanlara daha yaxın ola biləcəksiniz. Bununla yanaşı fəal olaraq, tədbirlər, layihələr təşkil edərək, mövcud tibbi mövzulara mövqe bildirərək və tibb sahəsində şəbəkələr quraraq hadisələri öz əllərinizə ala biləcəksiniz.
Üzv olmaq üçün ingilis dili bilmək vacib deyil, lakin arzuolunandır. Onu da qeyd edək ki, İdarə Heyəti və assistent çağırışları zamanı, habelə beynəlxalq tədbirlərdə iştirak üçün ingilis dili tələb oluna bilər.
AzerMDS tələbələrin tələbələr üçün yaratdığı və yalnız tələbələr tərəfindən idarə olunan təşkilat olduğuna görə bütün fəaliyyət zamanı dərslərin və imtahanların mövcudluğu nəzərə alınır. Lakin vaxtın düzgün tənzimlənməsi və aktiv üzvlüyün öhdəliklərinin yerinə yetirilməsi üzvün fərdi bacarıqlarından və keyfiyyətindən asılıdır.
İlk növbədə anketdə sizə təqdim olunan üzvlük və daimi komitələrlə bağlı olan prezentasiyalarla tanış olun. Bu, sizə daimi komitələr haqqında ilk təəssürat yaratmağa yardım edəcək. Daha sonra sizi maraqlandıran komitələrin “101” tanışlıq vebinarını Youtube kanalımızda izləməyi tövsiyə edirik. Həmçinin daimi komitə seçərkən öz bacarıqlarınızın, gələcək planlarınızın və maraqlarınızın həmin komitə ilə nə qədər uyğun olduğuna da diqqət edin.
Bunun üçün hər hansısa bir komitəmizə üzv olmağınıza ehtiyac yoxdur. Sadəcə olaraq sosial media kanallarımızı izləməniz yetərlidir. Hər il sentyabr-oktyabr aylarında mübadilə proqramlarına qəbul imtahanı elan olunur. İmtahan orta ingilis dilində və yaxud gedəcəyiniz ölkənin yerli dilində, təməl tibbi termin biliklərinizin yoxlanılmasını hədəfləyir. Daha sonra isə müraciətçilər müsahibəyə dəvət olunur. Qəbul proesesində tələbədən 3 ölkə və 4 şöbə seçməsi tələb olunur. Ölkə seçimi AzerMDS tərəfindən keçirilən imtahanda tələbələrin topladıqları bala əsasən müəyyənləşdirildiyi halda, şöbə seçimi qəbul edən ölkənin imkanlarından asılı olaraq onlar tərəfindən müəyyənləşdirilir.
Mübadilə proqramlarında iştirak edən tələbələr öz yol xərclərini və mübadilədə iştirak edəcəkləri ölkədən asılı olaraq 300-590 avro arası iştirak haqqı ödəməlidirlər. Bu məbləğə sizin bir aylıq təcrübəniz, yaşayış yeriniz və gündə bir dəfə qidalanma daxildir. Bəzən qida təmin oluna bilmədikdə, bu xidmət cib xərcliyi ilə əvəzlənə bilər. Bundan əlavə sizə həmin ölkədə kömək edəcək əlaqələndirici şəxs və təcrübənizə nəzarət edəcək tyutor ayrılır. Əksər hallarda, proqrama sosial fəaliyyətlər də daxildir.

Bizi izləyin