Tibb naminə birlikdə!

SCOME

İctimai Sağlamlıq üzrə Daimi Komitə (SCOPH), tibb tələbələrinin ictimai sağlamlıq problemlərini həll etmək üçün bir araya gəldiyi qlobal bir platformadır. 1952-ci ildə IFMSA-nın təşəbbüsü ilə yaradılan komitə, tibb tələbələrinin sağlamlıq problemlərinin həllində və siyasət formalaşdırılmasında aktiv rol oynamasına imkan yaradırdı. O dövrdə komitənin adı Tələbə Sağlamlığı üzrə Daimi Komitə (SCOSH) idi. Zamanla komitənin fəaliyyəti genişlənmiş və 1963-cü ildə adı Sağlamlıq üzrə Daimi Komitə (SCOH) olaraq dəyişdirilmişdir. 1983-cü ildən etibarən isə İctimai Sağlamlıq üzrə Daimi Komitə (SCOPH) adını almışdır.

SCOPE (Standing Committee on Professional Exchanges) – IFMSA-nın ən böyük və qədim komitələrindən biridir. Komitə tibb tələbələrinə beynəlxalq klinik təcrübə proqramlarında iştirak etmək, müxtəlif ölkələrin səhiyyə sistemlərini öyrənmək və peşəkar bacarıqlarını inkişaf etdirmək imkanı yaradır. Proqram həm klinik, həm də pre-kliniki illərdə olan tələbələr üçün açıqdır və iştirakçılara mədəniyyətlərarası ünsiyyət, şəxsi inkişaf və gələcək karyera üçün əlavə üstünlüklər təqdim edir.

SCORE 1991-ci ildə tələbələrə tədqiqat bacarıqlarını fərqli tədris mühitlərində inkişaf etdirmək imkanı yaratmaq məqsədilə təsis edilib. Hal-hazırda SCORE 65-dən çox NMO əhatə edir və 3000-dən çox tədqiqat layihəsi təklif edərək, dünya üzrə 2400-dən çox tibb tələbəsinə IFMSA tədqiqat mübadilə proqramında iştirak etmək imkanı yaradır.

1983-cü ildə məqsədi köçkün əhalinin üzləşdiyi problemlərə diqqət çəkmək və yardım kampaniyalarında iştirak etmək olan Qaçqınlar üzrə Daimi Komitə yaradıldı. Komitə üzvləri tezliklə başa düşdülər ki, bu tədbirlər yalnız müvəqqəti yardım xarakteri daşıyır; dayanıqlı həll üçün problemin kökündə duran məsələlər, yəni zorakılıq, münaqişələr və insan hüquqlarının pozuntuları aradan qaldırılmalıdır. 1995-ci ildə komitə adını Qaçqınlar və Sülh üzrə Daimi Komitə olaraq dəyişdirdi və nəhayət 2005-ci ildə bu gün tanıdığımız SCORP — İnsan Hüquqları və Sülh üzrə Daimi Komitə (Standing Committe on Human Rights&Peace) adını aldı.

scora