Təlim
Təşkilatımızın əsas hədəflərindən biri ölkəmizdə həyatını yalnız tibbin öyrənilməsinə deyil, həm də cinsi təhsilə, həmkarlarının təhsilinə, digər ölkələrin səhiyyəsini öyrənməyə, beynəlxalq araşdırmalara, ictimai sağlamlığa, insan hüquqları uğrunda mübarizəyə həsr etmiş həkimlər yetişdirməkdir. Bundan əlavə təşkilatımız liderlik, ictimai vəkillik (advokasi) və ünsiyyət bacarıqlarının inkişaf etdirilməsinə, tolerantlıq, anlayış və dürüstlük keyfiyyətlərinin aşılanmasına da önəm verir. Bütün bunlar təşkilatın "onurğa sütunu" sayəsində mümkün olur: Bacarıqların Artırılması (ingiliscə; Capacity Building)
Bacarıqların Artırılması
Bacarıqların artırılması fərdlərin və təşkilatların işlərini səriştəli şəkildə yerinə yetirmək üçün lazım olan bacarıqları, bilikləri, alətləri, avadanlıqları və digər mənbələri əldə etmə, inkişaf etdirmə və saxlama prosesidir. AzerMDS-dəki hər bir fəaliyyət dünyanın hər yerindən olan tibb tələbələrinə öz icmalarında müsbət dəyişikliklər edən məsləhətçi olmaq səlahiyyətini vermək məqsədi daşıyır.
IFMSA Yığıncaqları, Baş Assambleyalar, konqreslər və konfranslar zamanı üzvlər bir çox fərqli sahələrdə təlim almaq fürsəti əldə edirlər. Bacarıqların artırılması üzvlərimizi gücləndirmək imkanı verir və yerli və beynəlxalq səviyyədə dəyişiklik edən məsləhətçilər kimi rollarını asanlaşdırmaq məqsədi ilə səslərini eşitdirmək üçün yenilikçi yollar tapırıq. Bacarıqların artırılması səylərimiz üzvlərə müxtəlif daimi komissiyaların və digər müvafiq fəaliyyətlərin hər birində tələb olunan tapşırıqları səmərəli şəkildə yerinə yetirmək üçün lazım olan bacarıq və inamları artırmaq üçün cəlbedici bir fürsət təqdim edir.
Təlim
Təlim bu tələbə şəbəkəsinə yumşaq bacarıqlar və ya bilik olan ‘alətlər’ verir! Həm üzvləri öyrədirik, həm də özümüz öyrənirik. Təlim tələbələrə əllərindəki problemlərlə effektiv bir şəkildə üzləşmək və həll etmək, öz layihələrini və komandalarını müvəffəqiyyətə aparmaq qabiliyyəti verir!
Qeyd: Bir IFMSA təlimçisinizsə və xaricdə təlim keçmək üçün seçilmişsinizsə, sizin xərcləriniz tam ödənə bilər. (IFMSA təlimçisi olmaq üçün Yeni Təlimçilər Təlimi (TNT- Training New Trainers) Atelyesində iştirak etməlisiniz)
Həmyaşıd Təhsili
Həmyaşıd təhsili bacarıqların artırılması səylərinin əsaslarından biri hesab olunur və bu səbəbdən tibb tələbələrinin həmyaşıdlarına öyrədərək öz biliklərini möhkəmləndirmələrini təmin etmək üçün proqramlar və imkanlar yaradılıb. Təlim bölməsinə inteqrasiya olunmuş mövzuların əksəriyyəti tibb məktəblərində müzakirə olunmur və / və ya tədris olunmur və buna görə də tibb tələbələrinin istənilən bir səhiyyə işçisinin peşə həyatında tez-tez tələb olunan bacarıq və qabiliyyətlərini daha da inkişaf etdirməsinə imkan verir.
Məsələn, IFMSA bacarıqların artırılması proqramının vacib bir hissəsi Yeni Təlimçilərin Təlim seminarlarıdır (TNT- Training New Trainers). Bu üç günlük seminarlarda tibb tələbələri özləri təlimçi olmaq üçün hazırlanırlar. Davamlılığı təmin etmək və təlimçilərin motivasiyalı etmək üçün Köhnə Təlimçilərin Təlim seminarları (TOT- Training Old Trainers) da yaradılıb. Bu yaxınlarda bölgələrin və tibb fakültəsi tələbələrinin ehtiyacları əsasında daha da spesifik bacarıqlara yönəlmiş Təcrübəli Təlimçilər Təlimi (TET- Training of Experienced Trainers) seminarları da yaradılmışdır.
Təqdim olunan təlim mövzularından bəzi nümunələr bunlardır: Vəkillik, Ünsiyyət Bacarıqları, Münaqişələrin qarşısının alınması, Müzakirə bacarıqları, Vasitəçilik bacarıqları, Maliyyə İdarəetmə, Fandreyzinq, Təhvil vermə və Davamlılıq, Mədəniyyətlərarası Öyrənmə, Liderlik, Motivasiya Bacarıqları, Müzakirə Bacarıqları, Layihə İdarəetmə, İctimaiyyətlə əlaqələr və Marketinq , Zamanın idarə olunması.
Sub Regional Treyninq
Sub Regional Treyninq (Sub Regional Training- SRT) IFMSA tərəfindən dəstəklənən, uzaq bir bölgədən və ya bəzən daha da uzaqdan olan üzvlərin və motivasiyalı tələbələrin təlimlərdə, seminarlarda və kiçik işçi qruplarında görüşə və iştirak edə biləcəyi beynəlxalq bir toplantıdır.
SRT-lər və digər IFMSA Fəaliyyətləri Milli Üzvi Təşkilat (NMO- National Member Organization) daxilində Təşkilat Komitəsi tərəfindən təşkil olunur ki, onların vəzifəsi bütün üzvlərə yemək və qalmağa yer ilə təmin etmək, təlimləri, Kiçik İşçi Qrupları (SWG- Small Working Groups) və seminarları nizamlamaq və sosial proqramı təşkil etməkdir. Proqramın əsas məqsədi bölgədə IFMSA-nın işini yaxşılaşdırmaqdır. (AzerMDS Avropa Bölgəsində təmsil olunur.)
SRT-lər və digər fəaliyyətlər IFMSA Baş Assambleyasında və ya Regional İclasda iştirak etmək imkanı olmayan üzvləri təmin etmək üçün yaradılmışdır (məsələn, məhdud nümayəndə heyəti yerləri, maliyyələşdirmə və ya orada təklif olunan bacarıqların artırılması imkanlarına qoşulmaq üçün məzuniyyətdə olmaq). Eyni zamanda, bölgənin müəyyən bir hissəsində eyni çətinliklərlə qarşılaşa biləcək ölkələrin birlikdə işləmələrini təmin edirlər.
İndiyə qədər təşkil edilmiş, lakin bunlarla məhdudlaşmayan bir neçə SRT nümunəsi var:
• Beynəlxalq Həmyaşıd Təhsili Təlimləri (International Peer Education Trainings -IPET / Advanced IPET)
• Yeni Təlimçilərin Təlimi, Köhnə Təlimçilərin Təlimi, Təcrübəli Təlimçilərin Təlimi (TNT-Training New Trainers / TOT- Training Old Trainers / TET- Training Experienced Trainers)
• Yeni İnsan Hüquqları Təlimçilərinin Təlimi (Training Experienced Trainers -TNHRT)
• Tibbi Təhsili Təlimçiləri Təlimi (Training Medical Education Trainers -TMET)
• Cinsi Təhsil üzrə Şimali / Cənubi Avropa Əməkdaşlıq (NECSE- Northern European Cooperation for Sex Education / SECSE- Southern European Cooperation for Sex Education)
• Qlobal Sağlamlıq və / və ya İctimai Sağlamlığı Təhsili
• Və daha çoxu!
